Entamada pola Sidra d´Escoyeta, en collaboración cola Fundación Sandra Ibarra de Solidaridad frente al Cáncer, esta espicha va sirvir pa financiar proyectos d’investigación sobre la cura del cáncer. La entrada cuesta 25 euros (incluyendo donación de 10 euros).

Asturies acueye per tercer añu consecutivu la Espicha Solidaria frente al Cáncer, un eventu que xune la tradición sidrera asturiana cola suma d’esfuerzos a la d’atopar la cura pal cáncer. La cita ye’l próximu vienres 23 de setiembre, a partir de les 20.30 hores, nel llagar Trabanco Sariegu.

La Espicha Solidaria frente al Cáncer ta entamada pola Sidra d´Escoyeta, en collaboración cola Fundación Sandra Ibarra de Solidaridad frente al Cáncer.

La entrada a la espicha tien un costu de 25 euros, de los cualos 10 euros van destinase directamente a financiar proyectos d’investigación sobre’l cáncer impulsaos pola Fundación Sandra Ibarra. Les entraes yá tán a la vienta y pueden adquirise nes oficines de los llagares Trabanco, Foncueva, Peñón y Muñiz; y na sidrería Casa Trabanco. Pueden acutar tamién nel y-mail info@sidramanzanaseleccionada.com.

Homenaxe a los profesionales del escanciáu y al periodista José María García

Anguaño, la Espicha Solidaria va ser tamién un emotivu homenaxe a dos grandes figures: los escanciadores/as asturianos y el periodista radiofónicu José María García. Dambos van recoyer los sos galardones nos V Premios Sidra de Selección, nun actu que se va celebrar xustu antes de la Espicha (a partir de les 19:00 hores).

“Animamos a toos aquellos qu’esfruten cola sidra a que participen nesta Espicha Solidaria. Ente toos, podemos consiguir que’l cáncer cúrese. Y un primer pasu ye contribuyir a proyectos d’investigación, participando amás nun eventu que xune la tradición sidrera n’Asturies cola solidaridá frente al cáncer. Amás, anguaño va sirvir d’homenaxe a la figura del profesional escanciador de sidra, que tanto sofitu y reconocencia merez. Y a’l gran José María García, que tanto apurrió a la radio n’España”, esplica José Manuel Riestra, presidente de la Sidra d´Escoyeta.