Añu 2000. Xúntense dellos llagares pa crear Sidra de Manzana Seleccionada, la primer marca d’España nacida pa puxar pola calidá na sidra, apostar pol campu asturianu y mantener la tradición y el saber facer de los nuestros antepasados. Con trabayu, esfuerzu y muncha, muncha ilusión, tamos llogrando que’l públicu estime la sidra de calidá, que los llagareros asturianos reciban el premiu merecíu al so llabor y que les tradiciones de los nuestros antepasaos sigan mui vives.

logos-lagares

LA SIDRA DE MANZANA SELECCIONADA YE

somos-calidad

Calidá

100% calidá, con controles de trazabilidá y auditoríes de calidá feches por Bureau Veritas Certification.

El control final: una mesa de preba independiente, na que se certifica namás la sidra que pasa’l notable como Manzana Seleccionada.

Tradición

Préstanos facer la sidra como antaño: con dedicación y munchu, munchu cariñu. A poco y a poco, dexando que’l tiempu marche al so ritmu pa madurecer una sidra que lleva parte de la nuestra historia en cada botella.

Acollechar y escoyer les mazanes a mano, mayar en prenses de madera, fermentar en grandes pipes de madera de castañal, prebar la sidra tolos díes… Tamos arguyosos de tener heredao’l saber facer de les nuestres families. La nuestra responsabilidá agora ye tresmitilo y espardelo a cada vez más amantes de la sidra.

Asturies

Namás trabayamos con mazanes acollechaes n’Asturies.

Col valor añadíu d’apostar por variedaes tradicionales, que recuperamos pa da-y a la sidra valores d’antaño

Responsabilidá social

Sí, la sidra tamién puede ser solidario. Volve-y a la sociedá lo que nos da ye’l nuestru compromisu, un compromisu que fiximos realidá aportando a proyectos d’Unicef, la Fundación Sauce y la Fundación Sandra Ibarra de Solidaridad Frente al Cáncer, ente otres entidaes.

LOS NUESTROS LLAGARES

La historia de Sidra Foncueva va hasta’l sieglu XIX, cuando Guadalupe Vigón funda esti grupu familiar dedicáu a facer sidra. A lo llargo d’estos años, Foncueva supo mantener la tradición y, a la vez, meter les tecnoloxíes más nueves na ellaboración de la sidra.

Con una producción axustada de 50.000 llitros, Sidra Foncueva destaca pol procuru y la dedicación na ellaboración de la so sidra. Faise toa con mazana asturiano, escoyida a mano, fai una fermentación controlada en depósitos d’aceru inoxidable y posa en pipes de castañal, hasta algamar el puntu óptimu de maduración.

Too ello llevóla a ganar ocho años (2012-2011 siguíos) el Primer Premiu a la Meyor Sidra Natural d’Asturies, nel Certame de Nava, y nel Festival de la mazana de Villaviciosa.

Más info http://www.sidrafoncueva.com

somos-trabanco

Dende l’añu 1925, Trabanco ye sinónimu de una sidra natural apreciao, sacao d’una de les meyores mazanes de variedaes seleccionaes y fecha siguiendo métodos malapenes ensin cambiar dende hai sieglos.

La sidra marcó la historia de la familia Trabanco. Dende qu’Emilio Trabanco emprendiere en 1925 l’aventura de convertir un llagar de autu-consumu en tou un proyectu empresarial, munches fueron les xornaes de trabayu nes pumaraes, nos llagares, nes sidreríes…

Munches fueron, tamién, les hores de dedicación a ún de los puntos fundamentales en Trabanco: l’espíritu por avanzar, por meyorar en cada collecha la sidra que se saca al mercáu. Y por mantener los niveles de calidá que definieron tola vida a Sidra Trabanco.

Más info http://www.grupotrabanco.com

La historia de Sidra Muñiz arranca en 1934, cuando José Muñiz Gutiérrez abre un llagar nuevu pa facer sidra, contando con una prensa tradicional y 200 pipes, de 450 llitros caduna. La buena acoyida de Sidra Muñiz nel mercáu fai que’l llagar vaiga xubiendo la so producción, ampliando instalaciones y instalando prenses nueves y pipes de madera de castañal.

Nos años 70, la familia Riestra (encabezada por Manuel Riestra Folgueras) asume los retos de futuru del llagar. Mantién la marca Sidra Muñiz y faise la empresa Sidra Muñiz S.A., rexida anguaño pola segunda xeneración.

Anguaño, Sidra Muñiz apuesta pol saber facer y la calidá na sidra. Tien una estensión creciente de pumaraes, pa facer la sidra con mazanes acollechaes nes sos propies plantaciones. Y fai inversiones continues na meyora de les sos instalaciones, pa mecer la tradición coles tecnoloxíes más avanzaes na ellaboración de sidra.

Más info http://www.sidramuniz.com

Francisco González Prendes funda Sidra Peñón en 1910, un llagar qu’inda güei mantién la so esencia familiar y l’apueste continuáu pola calidá y el saber facer en sidra.

El llabor del fundador vese realzáu pol so nietu, Miguel González Álvarez, una de les figures más destacaes y reconocíes nel mundu de la sidra, nomáu Oficial de la Orde del Méritu Agrícola y reconocíu en 1990 como “Llagareru d’Oru” na primer edición de la Fiesta de la Sidra Natural en Xixón.

Anguaño, son los sos fíos y nietos (cuarta y quinta xeneración) los qu’asumen el retu de siguir medrando, entemeciendo siempre tradición y innovación. Sidra Peñón fai anguaño alrodiu 1 millón de llitros de sidra y sigue llevando reconocimientos pola so trayectoria empresarial

Más info http://www.sidrapenon.com

contraetiqueta3

Busca esta contraetiqueta

Ye la qu’identifica a la sidra de Mazana Escoyida.
Esta, y non otra, te va garantizar que tas consumiendo l’auténtica sidra de selección.

1. Equí identificamos la collecha de sidra que tas consumiendo.

2. La sidra de Mazana Escoyida ellabórase namá con mazana asturiana, collechada en plantíos homologadas.

3. La entidá independiente Bureau Veritas Certification ye quien realiza les auditoríes calidable y quien vela pol cumplimientu del reglamentu d’usu que estrema a la nuesa marca.

4. Cada botella ta identificada con un códigu, personal y intransferible, que garantiza que la sidra que contien superó tolos controles calidable.